افغان ملي بانک، په افغانستان کې تر ټولو لومړنی او د اعتماد وړ بانک دی، چې په ۱۳۱۲ هجري لمریز کال د ثور په نهمه نېټه یې په کار پیل وکړ او  تر ۱۳۱۸ هجري لمريز کال یعنې د افغانستان بانک د تاسیس پورې یې د مرکزي بانک چارې هم پرمخ بېولې، چې اوس مهال د افغانستان او نړۍ  په کچه په ۹۰ کلن بانک شهرت لري، افغان ملي بانک د لومړي ځل دپاره په ۹،۶ نهه اعشاریه شپږ میلیون افغانۍ پانګې سره په خپل بانکي فعالیت پیل وکړ، چې د پورتنۍ پانګې ۷۲ سلنه د خصوصي سکتور او ۲۸ سلنه د دولتي سکتور اړوند وه، مګر په ۱۳۵۵ کال کې دغه بانک د وخت د دولت لخوا په بشپړ ډول ملي اعلان شو او له هماغه نېټې

افغان ملي بانک د عصري او خوندي بانکي خدماتو په وړاندې کولو کې مخکښ دی، باید وویل شي چې د هېواد والو د سپماوو خوندي کول د افغان ملي بانک د لومړنیو لومړیتوبونو څخه شمېرل کېږي، په ورته وخت کې افغان ملي بانک په هېواد کې د تولید، کرنې، خدماتو او د نړیوالې سوداګرۍ د پراختیا په برخه کې لازمه همکاري کړې. افغان ملي بانک د مرکزي څانګې په شمول ۱۷ ښاري څانګې او ۴ کونتر د کابل ښار دننه، ۲۲ ولایتي څانګې او ۴ کونتر د هېواد په مختلفو ولایتونو کې همدارنګه په ټول هېواد کې ۱۹ پایه د صرافۍ خپل کاره اتومات ماشینو په درلودلو سره د هېواد په زیاتره برخو کې د پوره مسلکي او کارپوه ټیم په مټ خپلو هېواد والو ته بانکي خدمات وړاندي کوي او پلان لري چې په نېږدې راتلونکي کې ډېر ژر پاتې نورو ولایتونو کې هم خپلې څانګې پرانېزي.