د قوانینو او مقرراتو رعایت آمریت

د قوانینو او مقرراتو رعایت آمریت مسؤل دی چې ډاډ ترلاسه کړي بانک ملی افغان په بشپړ ډول د د افغانستان بانک له لوري صادر شویو قوانینو او مقرراتو سره سم فعالیت کوي، او د پیسو مینځلو او ترهګرۍ د تمویل مخنیوي (AML/CFT) اړتیاووی سره سم د بانک فعالیتونو برابرول. د دې آمریت دندی د مشتریانو د پېژندنې (KYC) طرزالعملونو تطبیق او څارنه، د خطر مدیریت او د قانون رعایتول، د تحریمونو رعایت، مشکوک معاملو اړونده ادارو ته راپور ورکول، د اغېزمن داخلي کنټرولونو ساتنه، د کارکوونکو لپاره تطبیقي روزنه، او په ټول بانک کې د قوي رعایتي دود پلی کول ، څو بانک له حقوقي، مالي او اعتباري خطرونو څخه خوندي پاتې شي.

د قوانینو او مقرراتو رعایت آمریت مهم  دندي

د پالیسیو تطبیق: د قوانینو او مقرراتو رعایت آمریت په بانک ملی افغان کې مسؤل دی چې د پیسو مینځلو او ترهګرۍ د تمویل د مخنیوي (AML/CFT) پالیسیو جوړول، بیا کتنه او تطبیق د افغانستان بانک د اړتیاوو  سره سم ترسره کړي. دا آمریت د پیرودنکو د پېژندنې (CDD/KYC)، د تحریمونو رعایت، او د خطر پر بنسټ کنټرولونو طرزالعملونه جوړول، مدیریت او کاري واحدونو ته قانوني او تطبیقي مشورې ورکوي، په ټول بانک کې د اخلاقي معیارونو او رعایتي دود پلی کول، او ډاډ ورکوي چې کارکوونکي د قوانینو او داخلي پالیسیو په اړه روزل شوي او خبر وي.

د رعایت څارنه او بیاکتنې: دا آمریت پر عملیاتی فعالیتونو او د پیردونکو پر معاملو دوامداره څارنه او دوامداره  بیاکتنې ترسره کوي، د رعایت خطرونه ارزوي، د داخلي کنټرولونو او د خطر کمولو تدابیرو اغیزمنتیا څاري، د پیرودنکو د تثبیت  فورمونه او فعالیتونه د مقرراتو د رعایت لپاره بیاکتنه کوي، اسناد او سوابق ساتي، او د بیاکتنې پایلې د اصلاح وړ وړاندیزونو سره هئیت نظار ته راپور ورکوي.

د نظارتي ادارو سره همغږي: د قوانینو او مقرراتو رعایت آمریت د نظارتي ادارو او اړونده چارواکو سره د اصلي اړکي په توګه عمل کوي، ډاډ ترلاسه کوي چې راپورونه او موندنې په دقیق وخت کې وړاندې شي، مشکوک معاملو او مقرراتو سرغړونو ته اړوند ادارو ته راپور ورکوي، پر نوی قانونی لارښونی څارنه کوي او د بانک په دننه کې د هغې په وخت عملي کېدو ډاډ ترلاسه  کوي، او د نظارتي څارنو څخه ملاتړ کوي.