د افغان ملي بانک داخلي پلټنې آمریت د یو خپلواک او بې‌ طرف بنسټ په توګه فعالیت کوي او د بانک د بانکي حاکمیت، د خطرونو د مدیریت او د داخلي کنټرول سیسټمونو د پیاوړتیا  لپاره  ژمن دی. دغه آمریت د داخلي پلټنې کمېټې تر مستقیم نظارت لاندې فعالیت ترسره کوي او د خطر پر بنسټ ارزونې کوي، ترڅو د قانوني غوښتنو رعایت، د داخلي پالیسیو او کړنلارو تطبیق او د ټولو عملیاتي پروسو اغېزمنتیا باوري کړي.

داخلي پلټنې آمریت اساسي صلاحیتونه او مسؤلیتونه د مالي راپور ورکولو د اعتبار ارزونه، د بانک د شتمنیو ساتنه، د معلوماتي ټکنالوژۍ او سایبري امنیت د خطرونو ارزونه او د عملیاتو د موثریت او اغېزمنتیا ډاډ ترلاسه کول شامل دي. دغه آمریت د نیمګړتیاوو په پېژندلو، د ستونزو په تحلیل او د اصلاحي او عملي سپارښتنو په وړاندې کولو سره د بانک د اداري سلامتۍ د ټینګښت او د ذینفعانو د ګټو د ساتنې مهم رول لوبوي.

د افغان ملي بانک د داخلي ارزونې چوکاټ د نړیوالو غوره تجربو سره سمون لري او د داخلي ارزونې د مسلکي فعالیت او همدارنګه د افغانستان بانک د نظارتي لارښونو سره سم تطبیق کېږي. د دوامدار نظارت، شفاف راپور ورکولو او ستراتیژیکو لېدلورو له لارې، داخلي پلټنې آمریت په افغان ملي بانک کې شفافیت، حساب‌ ورکونه او دوامداره وده پیاوړې کوي.